Data: 23 de febreiro do 2026.

Horario: A partir das 15:00 horas. 

Lugar: Pista central do Multiusos Fontes do Sar. Santiago de Compostela.

Desprazamento: Facilitarase un autobús de maneira gratuíta ás persoas interesadas en participar no Campionato que sexan do Campus de Lugo. 

Categorías: Feminina e masculina.

Nº de equipos: 32 por categoría. Existirá unha lista de agarda cando se cubran as prazas de cada categoría. Dependendo do número de equipos inscritos por categoría a configuración do 3x3 poderá variar. 

As persoas participantes recibirán unha camiseta reversible de competición similar a do ano pasado

Procedemento para a inscrición o torneo 3x3:

-Todas as persoas participantes teñen que ser da Comunidade Universitaria da USC.

- A inscrición será gratuíta.

- Para poder inscribirse, todas as persoas participantes, deberán rexistrarse antes como persoa usuaria da Área Deportiva da USC.

- A/o capitá responsabilizarase da tramitación en liña da inscrición do equipo.

- O nome do equipo que se inscriba terá como máximo 20 díxitos, e non poderá resultar ofensivo ou inapropiado.

- A/o capitá dende a aplicación da USC, enviará unha invitación ao correo electrónico do resto dos compoñentes do equipo, e terán, que inscribirse mediante a ligazón enviada.

- No caso de non ter equipo, podes inscribirte na bolsa de xogadoras/es.

*Unha vez inscrito o equipo e os participantes poderán realizar a inscrición ao CAMPIONATO DE TRIPLAS nesta ligazón, soamente poderá inscribirse unha persoa por equipo.

Regulamento do I Campionato 3x3 USC-OBRADOIRO.

• Existen dúas categorías: feminina e masculina
• Os equipos teñen que ter entre 3 e 5 integrantes.
• O acceso de todas as persoas participantes será polo hall do Multiusos Fontes do Sar.
• Todas as persoas participantes terán que acreditarse co DNI, 30 minutos antes do seu primeiro partido, a acreditación terá que ser todo o equipo xunto. Nese momento entregaranse as camisetas reversibles de competición.
• O balón co que se xogará será Molten 3x3 FIBA. (tamaño 6 con peso de un balón de tamaño 7).
• Os equipos deberán presentarse na pista 10 minutos antes do comezo do seu partido.
• Nos partidos, o equipo local xogará de cor branco e o equipo visitante de cor negro.
• O saque inicial será a sorteo.
• O tempo de partido será de 8 ou 10 minutos a tempo corrido ou 18 puntos. (dependendo dos equipos inscritos)
• Soamente poderase parar o tempo por lesión.
• A posesión será de 12 segundos.
• Cada lanzamento dentro do arco e os tiros libres valen un punto, fora do arco 2 puntos.
• No caso de empate no tempo regulamentario, xogarase unha prorroga, sacará na prorroga o equipo que non fixo o saque inicial ao principio do partido, e gañará o partido o equipo que anote dous puntos na prorroga. Tempo da prorroga é dun minuto.
• O tempo de posesión e as faltas/bonus manteranse as oficiais.
• Para os lanzamentos de tiros libres, terán +/- 5 segundos.
• Se un equipo non se presenta perderá o partido 18-0.
• O modelo de competición está por determinar en función do número de equipos inscritos, aínda que a idea inicial é a de facer fase de grupos e fase final.
• Nas fases de grupos as vitorias puntúan 2 puntos e as derrotas 1 punto.
  • En caso de empate a puntos nos grupos, se resolverá desta maneira:

1º) O Basket average particular entre os equipos empatados.

2º) A diferencia de puntos total (puntos metidos menos puntos encaixados)

3º) O equipo que máis puntos a favor teña.

4º) Sorteo.

• O regulamento utilizado será o descrito ata este punto, no seu defecto aplicarase o regulamento 3x3 FIBA.
• Os equipos finalistas do Campionato 3x3 o martes 10 de marzo do 2026 no partido do Obradoiro vs Cartagena, recibirán o trofeo correspondente, e os equipos gañadores (categoría feminina e categoría masculina) formaran unha selección contra o equipo MATCH-UP Basket de Alberto Corbacho unha lenda do Obradoiro.
• A organización resérvase o dereito de realizar calquera tipo de modificación para o correcto funcionamento do torneo e actos posteriores.