Destinatarios: alumnado maior de 18 anos.

Carácter: voluntario.

Contidos:

1ªFASE. FORMATO LIGA (inicio 16 febreiro- remate aproximado 18 de maio )

• Individual feminino (a 1 volta)
• Individual masculino (a 1 volta)
• Parellas libre (a 2 voltas)

Os partidos e a puntuación, disputarase 1 partido por semana, aprazable por causa debidamente xustificada (no calendario indicarase o día que comeza a semana na que debe disputarse o partido; o alumnado que acumule máis de 2 semanas de retraso sen causa xustificada será dado de baixa; os retrasos xustificados de máis de 15 minutos suporán a perda do partido e os retrasos inxustificados descontarán 5 puntos na clasificación).

Os partidos disputaranse a 9 xogos (con tie break a 7 puntos en caso de empate a 8 xogos).

Cada partido gañado sumará 3 puntos para a clasificación xeral e por cada 10 xogos a favor engadiranse 2 puntos extra.

Pasan a fase final, os 4 primeiros da categorías individual masculino e feminino.

Na categoría de parellas, pasan directamente á final os primeiros e segundos da liga

• A reserva de pista, as pelotas de xogo e a comunicación do resultado e as incidencias, o alumnado que figura en 1º lugar nos emparellamentos coordinarase coa persoa coa que vai xogar para acordar día e hora do partido, quen reserva pista, quen asume o custo da reserva e quen leva as pelotas de xogo. Tamén será quen comunique as incidencias do encontro e o resultado do partido a través do seguinte enderezo electrónico: ana.martinez.fernandez@usc.es O alumnado accederá directamente, de xeito confidencial e baixo deber de segredo, ao teléfono e ao correo electrónico das persoas que conforman o seu grupo a través da aplicación (ou indirectamente a través da páxina web da Área Deportiva da USC).

Os resultados e a clasificación xeral publicaranse na aplicación da Área Deportiva da USC (tamén poderase acceder a eles a través da súa páxina web).

FASE FINAL ELIMINATORIA

As semifinais e finais celebraranse os días 6-7 de Xuño.

Os partidos de semifinais das categorías individual masculino e feminino, disputaranse a 9 xogos (con super tie break en caso de empate a 8 xogos) enfrontando 1º vs 4º e 2º vs 3º.

Nas finais os partidos disputaranse a 3 sets (super tie break no terceiro).

Os resultados e a clasificación xeral publicaranse na aplicación da Área Deportiva da USC (tamén poderase acceder a eles a través da súa páxina web).

Obxectivos xerais:

• Poder aplicar en situacións de xogo real (en condicións similares ás que se poderían atopar en unha competición, nun adestramento ou de xeito recreativo) o aprendido en clase.
• Facilitar unha ferramenta coa que poder auto avaliar na práctica o grado de evolución e desenvolvemento dos coñecementos adquiridos en clase. 
• Proporcionar momentos satisfactorios e unha motivación intrínseca.
• Incrementar o grao de implicación coa escola.

Profesorado: Fundación USC.

A Área Deportiva da USC resérvase o dereito de realizar calquera tipo de modificación para un funcionamento correcto da competición.